I crompa la casa e la casa xe voda
i crompa la roba e i la porta nea casa
i torna nea casa e no i trova più gnente
i crompa altra roba e i la porta nea casa
i torna de novo e no i trova più gnente
i porta altra roba e i la sera e i la incioda
i torna de novo e la casa xe voda.
I pianze i maledisse e i se despera
i porta le done i parenti-serpenti
màchine guardie lucheti e infrarossi
i porta le bombe i mitra i canoni
i roba la roba i la mura nei muri
i sbara e i se scana
la xe tuta na roda
i torna nea casa... la casa xe voda.
Nessun commento:
Posta un commento