E drioghe le peche
del me Dio "Piè de Caora"
rivà son cantando
a Colderù.
Lontana, fursi
la Piave
presenza sbiadida
sbarada, secada,
rossa sgrifada
de ongia incarnida.
Ma qua da mi
ò Rimonta e Rù
picenine e smatedone
matane le fa
caracollando in do.
E la Piave, fursi,
la sta là anca par lore.
E un mi mi sol
te 'l scuro cucià
E doi solche mi
te l'acqua specià
E tre! anema de Oro
folisca, Poesia.