Poesia d'un Barbon
scrita per farse coraggio
sotto del Ponterosso
su carta d'imballaggio
Senza nissun
che te dia qualcossa
magari anche una piada
un pugno una sberla
senza una strada
che porti a qualche numero
per dir
stago de casa qua
senza una man
tenera de donna
che coccoli in amor
Coparse e dopo
l'Isola dei Morti
in quadro la go vista
un polveron de noia
a l'infinito
Morto isolà va ben
ma
almeno saver qualcossa dei vivi
se gà piovù in Farneto
se bora scura
fa rabbiar el mar
Vita te voio ben
ma no ogni giorno
domenica in loculo
ma lunedì alle cinque
zò in Ponterosso
vivo
capolavoro
RispondiElimina