A forza de formule-riti
omo-mago
te curvi el spazio-tempo
te cavi la distanza
tra sogeto e ogeto
fin al progeto sconto
nea vita
al Miracolo
che xe fato de numari
e
l'Eterno
I stessi numari informa su
la strutura fonda dei corpi
l'onda del to DNA
come del to alfabeto
del to analfabeto
xe
un numaro
Putin
tuto quel che te vardi
te voressi tocar magnar
Grando
te vol conossarlo
darghe un nome
scrivarlo
ignoto
Ma sempre i stessi numari
te conduse
senza che ti te sapi
senza che ti te conti
i stessi numari che regola
musiche machine stele
i fantasmi
l'Eterno
l'ignoto
un numaro
E L'ETERNO XE UN NUMARO IGNOTO
L'IGNOTO UN NUMARO
Nessun commento:
Posta un commento