Gran balanza de oton
farmacia vecia sui monti.
I piati lucidai
ae so ale alte de oton
pae caenele picai
Iside pesa.
(E na vestaglia bianca
media dona de taglia
dadrio el banco
varda el peso del Ben
sospeso su l'oton.
I piatei dei so oci
sora el filo del naso
el peso giusto
segna).
Acompagno, Iside dise,
giusta la medesina
drento el malà
nel viagio duro
pal tempo morto
ch'el ben morto
fa nel vivo
e ressùssita,
(diocan Anubi sta 'tento).
Ocio lustro de oton
Iside vede, guida
in silenzio quel Ben
nea nocie oscura
de le vissere
ch'el Mal tenta coe sgrinfe.
Piati d'oton deventa
piati de oro.
Nessun commento:
Posta un commento