Tolo Da Re - Stela Alpina

Stela alpina
fior co la fanela,
te sì come na butela seria,
orsa e pitosto freda:
na butela che conosseva mi,
che ciare òlte l'à dito de sì.

Stela alpina sensa parole,
distante da le ciàcole del prà,
incantà nel to mondo
che l'è un gran còro infervorà de acute:
così lìbaro e neto
da lustrarte l'anima in pèto.

Te sì del sol
ma anca de la luna,
stela alpina:
veludo tra la rocia,
come quela butela che so mi,
che ciare òlte l'à dito de sì.


ciare=rare