Sfadigo tuto 'l giorno
per no cascar foresto
ne le compagnie che ciassa
in t-el divertimento.
No go 'l gusto del motivo de moda,
go bisogno de distirarli queti
i mii discorsi tra la gente.
No l'ansia disperada
de l'impegno al sabo sera
la stessa mula sempre
che speta là
e le voie che no vien.
In sta note de piova
'scolto el tempo che cambia
e no posso dormir,
me sponzi le man
do bòcoli rosa
che vien 'vanti e se scondi
tra le s'ciume del mar.
bòcoli=capezzoli
Nessun commento:
Posta un commento