Come se - Ernesto Calzavara

Come se quel che xe
èsser dovesse ancora
come se quel
che ga da èsser
fusse quelo che xe

come se tra mi e ti
ghe fusse tutto
e no ghe fusse gnente

come se fontana che ride
e putelo che piaze
e omo che laora
e s-ciantisso che fulmina
fusse 'na roba sola
che no se pol cambiar

come se ne tocasse
restar par sempre
e vivar con un senso
quel che senso no ga

come se .

(Come se - Ernesto Calzavara)



A chi ha paura dei treni assassini, pur viaggiando all'interno. A chi ha negli occhi legioni d'armi orientali. ..Come se..