...
...
...
Signorina Morte
sempre giovane e viva
piena de brio
e piena de capricci
me disé vegno
e po no vegnì mai
ve go spetà ridendo
in quela curva mata
longa e piena de sol
eccola me go dito
e po no sé vegnuda
Sentà in poltrona
tra libri e vin del Reno
calmo fumando
el cuor me stava zitto
ve gò spetà
fisso vardando
la tenda de la porta
me gavé dito vegno
e mi ve gò spetà
ma al nostro randé vu
sempre me sé mancada
Cattiva signorina
che tormento me dé
so che sé bella e fresca
e delicata e fina
canta la bocca
el ritornel che so
oggi no vegno
domani vegnarò
Morte perché con mi
fe la sgualdrina
tutta profumo e piena de bugie
Volé che stamattina
s'incontremo cussì
come per caso
solo per dirse adddio
e no vèderse più
Nessun commento:
Posta un commento