Me 'vevo un bastimento in mesa rada
le sime in tera e l'ancore da prova;
me piaseva dal molo da-i l'ociada,
e imaginà la veladura nova.
Ma intanto me dormivo sempre in tera
perdevo le zornàe per l'osterie;
el bastimento el me gambiava siera,
ma mia salpevo l'ancore vilie.
Una matina son rivao al molo,
la rada gera svoda; el bastimento
gera partio de note, solo, solo,
vogioso de mar grando e de più vento.
Nessun commento:
Posta un commento