Des ke ò vert al cadenaz dur
del staul stracolm e orbo
l'è na risa de ciaro guast
su sto sparpagnament de restei sechi,
de derle rote e faldin rudenidi
ke sa ncora da menta e strafoi,
tut an siroc malsan
sul me coat de pavée.
Des ke fa 'n strolego ò fat
de le inpreste soade
e pò inpreste de le fadighe,
mi, carol carolì de canagola,
fae mamì de mi panevin:
de sudor, de agreme e sangue
mea la é la rasìa pi vera
e meo l'à da eser el fun
cusì o che 'l vae su verso sera
o che 'l vae su verso matina
no 'l ve portarà polenta e farina...
sol zendre trist par la ostra caljera.
Ma la me tegnarà l'aria lidiera,
parfun despers
de rose salvareghe e rasa,
oro balerin de spenaz
te telarine sutile de sol.
E fursi te n'antro an de la fan
la me ultima traza
fa na fiantigoleta
la slusarà da in tra le stele,
fa 'n tosatel lontan
la batolarà pian tel vent,
tel screcolament alt de i ran,
infasadi dal nef,
par altri oci e altre reje.
Traduzione:
Adesso che ho sbloccato il catenaccio duro/dello stabbio stracolmo e cieco/c'è una scia di luce guasta/su questo sparpagliamento di rastrelli secchi,/di gerle rotte e falci arrugginite/che sanno ancora di menta e trifoglio,/tutto uno scirocco malsano/sul mio giaciglio di falene. /Adesso che come uno stregone ho fatto/degli attrezzi cornici/e poi attrezzi dalle fatiche/ io, tarlo tarlato di collare,/faccio io stesso di me stesso un grande fuoco:/di sudore, di lacrime e sangue/mia è l'eresia più vera/e mio deve essere il fumo/così che, sia che salga verso occidente/sia che salga verso oriente,/non vi porterà polenta e farina.../solo cenere amara per il vostro paiolo./Ma mi terrà l'aria leggera,/profumo disperso/di rose selvatiche e resina,/oro ballerino di pennacchi/in ragnatele sottili di sole./E forse per un altro anno de la fan/la mia ultima traccia/come una piccola favilla/rilucerà di tra le stelle,/come un bambino lontano/bisbiglierà nel vento,/nello scricchiolio alto dei rami/fasciati dalla neve,/per altri occhi ed altre orecchie.
